[size=18]اليوم جبت لكم الطريقة الصحيحة لتنظيف البشرة ..
وهذه طريقتي معتمدتها ودائماً اسويها والصراحه وبدون مبالغه
روووعه ونتيجتها كثييير رااائعه
هذه الطريقه
اخذتها من بنت خالي اخذت دورة تجميل في معهد
وكانت تعطيهم الدورة وحدة اردنيه مرره اعجبتني طريقتها
وسهله كل وحده تقدر تسويها في البيت
بس يبيلك تنزلين الصيدليه وتشترين الطلبات
كلكم عارفين ان البشرة تحتاج تنظيف من وقت للثاني
و خاصة اللي يستخدمون ميك اب كثير
و البعض منا ما يتوفر له الوقت او القدرة للذهاب الى الصالونات او مراكز التجميل
عشان كذا حبيت افيدكم ياحبايب قلبي وتطلعون مثل القمر في العيد
وكتبتها لكم بطريقه سهله ومبسطه
طبعا اكيد الطريقة بتختلف من مشغل لثاني
سواء يكون اكثر او اقل خطوات
المهم هاذي الطريقة بتعجبكم
و اذا سويتوها اسبوعيا .. بتشوفون بشرة حلووة
ما ودي اطول عليكم بدخل بالتفاصيل على طول <<<ياكثر هرجي
أولا : لازم تتوفر عندك الكريمات التالية :
1- طين البحر الميت
تلاقينه في الصيدليه <<<العلبه مو علبتها انا حاطته في هذه العلبه
2- قطن طبي
3- اسكينول بالخيار او اي نوع عندك
4- ابرة التنظيف الخاصة للبشرة
تلقينها في البودي شوب .. او بأي محل تجميل
للمعلومية في منها انواع كثيرة
5-مقشر بالخوخ وفيه منه انواع مثل هذا
6- جهاز البخار ممكن استبداله بقدر
7- ملك منظف بالحليب
او ممكن مناديل مسح المكياج مثل هذا
8- زيت الاطفال من جونسون
مو شرط مثل اللي عندي بالصوره فيه منه انواع
9- ربطة شعر
10- منشفه (فوطه)
11- اسفنجة
وحطي زبدية صغيرة فيها موية دافية ..
و حطي الاسفنجة داخلها
بتفيدك عشان ما تضطرين تروحين
كل شوي دورة المياه و تغسلين وجهك
نبدأ : :
1- اول شي .. قومي بتشغيل جهاز البخار عشان يكون جاهز وقت الاستخدام .
2- ارفعي شعرك بربطة او طوق او اي شي .. عشان ما تحوسين الدنيا
3- خلي كل شي جنبك عشان ما تضطرين تروحين و تجين
و اذا ما كان عندك جهاز البخار .. انقلي الاغراض بالمطبخ .. لانك بتحتاجين الفرن
تحطين قدر فيه مويه وتحطينه على النار هاديه مع شوي من اوراق البابونج
4- يفضل تقفلين المكيف الين تخلصين <<<هذه النقطه مهمه
بسم الله .. نبدأ بالطريقة :
ربط الشعر إلى الخلف..
تنظيف البشرة من أثار المكياج
* بللي وجهك بالماء ( عن طريق الاسفنجة و الموية الدافية)
* ابدئي بالحليب الخاص للتنظيف
حطيه بوجهك و الرقبة لا تنسوها .. و قومي بتوزيعه .. بررررررفق
بنات خلوا عنكم العربجة .. الا بشرة الوجة يبيلها ضغط خفيف .. دلع يعني
و بإتجاهات معينة عشان ما تتهدل بشرة الوجه مع الزمن
يعني يا حبيبات البي .. مهم تعرفين كيف تحركين يدك بخفة و بإتجاهات صحيحة
عشان يصير تنظيف و مساج بنفس الوقت ^_^
هذا الرابط لطريقة التدليك مرررررررة رهيب ..
يشطف الوجه بالماء ..
الحين حطي المقشر ووزعية على البشرة بدون تدليك .. فقط وزعيه
* بعدين يجي دور جهاز البخار
حاولي تقعدين فيه مو اقل من 10 دقائق و مو اكثر من 20 دقيقة
او على حسب الوقت اللي تتحملينه
مع وضع فوطة فوق الرأس حتى تستفيدي
من البخار قدر المستطاع في اثناء ووجهك
في البخار سوي تدليك خفيف لبشرتك
يعني سوينا بخار للوجه و المقشر موجود عليه
دلكي وجهك بنفس طريقة المساج الموجود في مقطع الفلاش
*تجنبي المنطقة المقاربة للعينين *
بعد 5 دقائق
وبسرعه أمسح الوجه باسكينول ..
وحطي بعدها زيت الاطفال وارجعي شوي على البخار
وارجعي امسحي وجهك بقطنه
* هاتي ابرة تنظيف الوجه .. و اضغطي على اماكن
تواجد الزيوان الــــــ يعني .. و اللي غالبا ما يكون
في الدقن و الانف و الجبين .. اضغطي الابرة برفق على هالاماكن
امسحي وجهك بالاسفنجة واذا خلصتي امسحي بقطنه فيها اسكينول
خذي الطين وحطيه في وجهك وممكن تستغنين عن الطين
وتحطي الماسك على الوجه : يا أما ماسك طبيعي
.لتغذية و نضارة البشرة اذا كان عندك خلطة تحبي تستخدميها
او ماسك جاهز
المهم حطي الماسك .. ووزعيه على وجهك ..
ما عدا المنطقة العيون و منابت الشعر و الحواجب
تقدري تحطين شريحتين خيار على عيونك
في انواع كثيرة للاقنعه نوع مثل الجل .. يجف و يزال بالسحب
مثل اللي
بس حطي طبقة مناسبة .. لا تكثرين مرة و لا تقللين مرة
و المهم انك ما تقللي .. لانك لو قللتي بيتقطع و يصير صعبة ازالته
* بعدين خذي الثلج و مرريها على وجهك الين تذوب
في بنوتات حلوات يحطوا موية ورد في مربعات الثلج
و يحطوها بالفريزر و يستخدموها لهالمرحله
و كلكم تعرفوا موية الورد وشكثر حلوة للوجه
* حطي الكريم المرطب على الوجه مو معطر
ملاحظه :
لا تسوين تنظيف البشره وانتي توك متسبحه
أو بتتسبحين في نفس اليوم علشان لاتتفتح عندك المسامات
والحمد لله انتهينا ولاتنسوني من دعاء
منقول[/size]
الإثنين سبتمبر 29, 2008 3:34 am
